Tre ditë më parë Ujësjellës Kanalizimie Gjirokastër i ka ndërprerë ujin Ndërmarrjes së Trajtimit Studentor për shkak të një borxhi prej rreth 25 milionë lekësh të vjetra i krijuar gjatë viteve 2015-2017. Pas kësaj ka folur për mediat drejtoresha Doriana Demo, e cila teksa ka pranuar debinë e lartë dhe përpjekjen për ta shlyer pasi mori detyrën, ka bërë edhe një gafë tjetër.
Demo tha se institucioni që ajo drejton i ka një borxh të madh edhe OSHEE-së. Në këtë mënyrë ‘nxjerr zbuluar’ kompaninë e shpërndarjes së energjisë elektrike, e cila ndonëse është në dijeni të borxhit që ka Ndërmarrja e Trajtimit Studentor, nuk ka vepruar për të marrë masat përkatëse. Pra, jemi në kushtet kur UKGJ i ndërpret ujin sepse ka borxhe pa paguar, ndërsa OSHEE nuk vepron.
Nëse një abonent familjar ka pa paguar së paku 3 faturat, i ndërpritet direkt energjia elektrike. Absurdi qëndron edhe diku tjetër. Ikin e vijnë drejtorët në këtë institucion, bëjnë rrush e kumbulla fondet, lënë pas një mal me borxhe dhe nuk u hyn gjëmb në këmbë.
Paraardhësi i Doriana Demos fjala vjen, bëri ç’deshi me buxhetin, u akuzua madje për shpërdorim fondesh edhe nga vetë Demo, por më pas u bë drejtor në Bashkinë Dropull.
©argjiroja.net
