Shpërblimi i Safet Gjicit për lojtarët dhe stafin e Kukësit pas triumfit ndaj Skënderbeut është 100 mijë euro.
Titulli kampion i verilindorëve ka pasur kosto të llahtarshme ndër vite, ndaj shifra e vendosur për triumfin e djeshëm nuk është asgjë për Gjicin. Ditët e fundit, i pyetur në lidhje me këtë temë, aikishte deklaruar se gjithçka e kishin në dorë lojtarët, të kërkonin sa të donin, nëse dilnin kampion, por tashmë mësohet shifra e çmendur që do të shkojë në xhepat e protagonistëve të suksesit historik.
Javën e ardhshme Kukësi do të luajë në Gjirokastër dhe nuk dihet a do të ketë ndonjë motivim të jashtëzakonshëm për të mbyllur sezonin pa asnjë humbje, por e sigurt është që Gjici do të mundohet t’i motivojë sërish, sepse e ka fiksim rekordin e pathyeshmërisë.
