Ministri i Mbrojtjes, Pirro Vengu, ka bërë me dije përmes një postimi në rrjetin social Facebook se Qeveria Shqiptare ka mbajtur premtimin për mbështetje ndaj banorëve të prekur nga përmbytjet që goditën qytetin e Vlorës më 4 tetor 2024.
Për të ndihmuar ata që pësuan dëme nga reshjet e shumta, qeveria ka ndarë një shumë të konsiderueshme financiare dhe ndihma të tjera.
Për të mbuluar dëmet e shkaktuara, janë alokuar 61 milionë lekë që do të shpërndahen për 375 familje të prekura.
Vlera e dëmeve të raportuara arrin në 56,455,012 lekë, dhe qeveria ka shpërndarë gjithashtu 335 pajisje elektroshtëpiake për t’i ndihmuar familjet e goditura nga kjo fatkeqësi.
