Një aksident ka ndodhur mesditën e sotme në lagjen “Punëtore” në Gjirokastër. Nga përplasja e dy makinave është plagosur një grua që po kalonte në rrugë. Argjirolajm.net siguron pamjet pak pas aksidentit, ndërsa Policia e Shtetit ka dhënë këtë informacion paraprak për mediat.
“Rreth orës 13:35, në vendin e quajtur “Rrethrrotullimi i lagjes Punëtore”, Gjirokastër, automjeti me drejtues shtetasin A. B., është goditur me automjetin me drejtuese shtetasen R. K. Për pasojë automjeti me drejtuese shtetasen R. K., ka dalë nga rruga dhe ka aksidentuar shtetasen V. B., e cila u transportua për në spitalin Rajonal Gjirokastër për të marrë ndihmën mjekësore. Në vendngjarje ndodhet grupi hetimor, i cili po punon për zbardhjen e shkaqeve të aksidentit”, thuhet në njoftimin e Policisë.
