Në Konventën Kombëtare të LSI-së të mbledhur sot pasdite, zgjedhja e Monika Krymadhit si kryetare e re e partisë, ishte më shumë një formalitet sesa një lajm. Surpriza qëndron më shumë tek fakti që Ilir Meta nuk mori pjesë.
Gjatë fushatës elektorale atë e pamë të përfshirë totalisht në takimet e LSI-së, madje duke përdorur edhe një retorikë aspak të zakontë për një President të zgjedhur, i cili do duhet të jetë mbi palët.
Por sot Ilir Meta kishte vendosur të mos shkonte në konventën e partisë së tij. Ndoshta ai ka bërë ‘prapa kthehu’, duke u nisur nga deklarata e fundit e Ramës, i cili bëri thirrje të mos e njolloste institucionin e Presidentit të Republikës.
Por mbase edhe nga një skenar që po përflitet shpesh së fundmi në korridoret e politikës dhe medias në Tiranë, skenar sipas të cilit Ilir Meta nuk do të arrijë të betohet dot si President, për shkak të bojkotit që PS e PD do t’i bëjnë seancës së jashtëzakonshme të 24 korrikut.
Megjithatë deri atëherë duhet të presim…
/lapsi.al/
