Pink e ka quajtur lajm të rremë një raport se po divorcohet nga bashkëshorti i saj, Carey Hart.
Të enjten pasdite, më 26 shkurt, këngëtarja iu përgjigj publikisht raporteve se po divorcohet nga bashkëshorti i saj, duke deklaruar në mediat sociale se informacioni i ndarjes “nuk ka asnjë bazë”. Më parë, revista People raportoi se çifti kishte vendosur t’i jepte fund martesës së tyre pas 20 vitesh së bashku.
Konkretisht, Pink vazhdoi të postonte në llogarinë e saj personale në Instagram, duke folur për lajme të rreme” dhe duke sqaruar se nuk është ndarë nga Carey Hart. “Siç them gjithmonë: Nëse nuk e dëgjoni nga unë, mos u besoni thashethemeve. Megjithatë, qëndroni në pritje. Kush e di çfarë mund të ndodhë më pas ?!” shkroi Pink në mbishkrimin e postimit të saj.
Shikoni videon
Pink dhe Carey Hart u takuan në vitin 2001. Marrëdhënia e tyre evoluoi me ndërprerje dhe ribashkime deri në vitin 2005, kur ai i propozoi asaj. Çifti u martua në Kosta Rika në janar 2006.
Gjatë martesës së tyre, ata u përballën edhe me vështirësi, pasi në vitin 2008 kishin njoftuar ndarjen e tyre, përpara se të rilidheshin në vitin 2009. Në fakt, ajo periudhë ishte frymëzimi për këngën “So What”, në të cilën Hart mori pjesë në videoklipin përkatës. Ai u shfaq gjithashtu në videoklipin e këngës “Just Give Me A Reason”.
Këngëtarja i ka qëndruar pranë bashkëshortit të saj gjatë një sërë lëndimesh që ai ka pësuar si çiklist profesionist i motokrosit. Çifti kanë dy fëmijë së bashku.
