Autori i plagosjes në terminalin e Fierit ditën e djeshme është arrestuar. Mësohet se në pranga ka rënë 50-vjeçari me iniciale A.L. Për motive të dobta ky i fundit ka plagosur me thikë një 33-vjeçar, i cili ndodhet në spital nën kujdesin e mjekëve.
Njoftimi i Policisë:
Drejtoria Vendore e Policisë Fier Seksioni për Hetimin e Krimeve të Rënda arrestoi në flagrancë shtetasin A. L., 50 vjeç, banues në Levan, Fier, pasi ditën e djeshme, për motive të dobëta, ka plagosur me mjet prerës (thikë), shtetasin K. L., 33 vjeç, i cili ndodhet në spital, në kujdesin e mjekëve. Në cilësinë e provës materiale u sekuestrua mjeti prerës (thikë).