Policia në Sarandë ka shpallur në kërkim një 44-vjeçar, pas dyshimeve se ka ushtruar dhunë duke plagosur një shtetas në një lokal.
Gjithashtu, është proceduar penalisht edhe një 26-vjeçare, pasi ka fshirë pamjet filmike brenda në lokal, që ishin provë materiale e ngjarjes.
Njoftimi i policisë:
Komisariati i Policisë Sarandë shpalli në kërkim shtetasin E. G., 44 vjeç, banues në Sarandë, pasi ka bërë kallëzim shtetasi H. B., se 44-vjeçari e ka goditur me sende të forta, në ambientet e një lokali, në lagjen nr.1. Gjithashtu, u referuan materialet në Prokurori, ku nisi procedimi në gjendje të lirë për administratoren e lokalit, shtetasen M. Ç., 26 vjeçe, pasi dyshohet se ka fshirë pamjet filmike të ngjarjes. Punohet për kapjen e 44-vjeçarit.
