Një plagosje me thikë ka ndodhur ditën e sotme në Divjakë. Në pranga është vënë një 54-vjeçar i cili në bashkëpunim me djalin e tij kanë plagosur për motive të dobëta një 23-vjeçar.
Policia ka shpallur në kërkim djalin e të arrestuarit dhe po punon për kapjen e tij. Ngjarja ka ndodhur në fshatin Çermë-Shkumbin, ndërsa i plagosuri ndodhet në spital.
NJOFTIMI I POLICISË:
Divjakë
Në bashkëpunim me djalin e tij, plagosi me mjet prerës (thikë), një 23-vjeçar, për motive të dobëta, kapet dhe vihet në pranga 54-vjeçari.
Vijon puna për kapjen e djalit të tij.
Komisariati i Policisë Divjakë arrestoi shtetasin M. M., 54 vjeç, banues në Divjakë dhe shpalli në kërkim djalin e tij, shtetasin L. M., 27 vjeç, pasi dyshohet se mbrëmjen e datës 03.07.2024, në fshatin Çermë-Shkumbin, kanë goditur me mjet prerës (thikë), për motive të dobëta, shtetasin A. M., 23 vjeç, i cili ndodhet në spital, në kujdesin e mjekëve.
Materialet procedurale i kaluan Prokurorisë, për veprime të mëtejshme.
