Një 49-vjeçar shqiptar ka mbetur i plagosur me thikë pas një sherri me një tjetër shtetas shqiptar. Ngjarja ka ndodhur mbrëmjen e së dielës në Fiano Romano, por lajmi është publikuar nga mediat italiane sot.Pasi e ka qëlluar me thikë, autori 38-vjeçari është larguar, por u arrestua më vonë nga policia.
Ka qenë i plagosuri që ka njoftuar policinë dhe u ka dhënë detaje në lidhje me personin që e kishte sulmuar në një lokal. 38-vjeçari shqiptar akuzohet për tentativë vrasje dhe mbajtje pa leje të armëve. Personi i plagosur ndodhet në spital në kujdesin e mjekëve dhe jashtë rrezikut për jetën.
