Kandidati për deputet i PS-së, Flamur Golemi, ka denoncuar rastin e një të moshuari nga Lunxhëria, i cili është pushuar nga puna prej Vangjel Tavos sepse nuk mori pjesë në takimin e LSI-së. Ai punonte si kujdestar i Liqenit të Nokokës. Më poshtë denoncimi i plotë i Golemit.
Prej ditësh Lëvizja Socialiste për Integrim ka rritur tonet agresive, ndërkohë që denoncon PS dhe Ramën për dhunë fizike dhe psikologjike ndaj militantëve të saj.
Tonet janë rritur aq shumë, sa Ilir Meta ka bërë thirrje edhe për armatosje të popullit e gjakderdhje.
Edhe mëngjesin e së premtes, u raportua për një incident kundër LSI-së: vendosja e një sasie eksplozivi në zyrat e saj në Durrës.
Lefter Koka tha se kjo është vepër e Partisë Socialiste.
Por PS nga ana tjetër, thotë se kjo ngjarje është një inskenim i LSI-së, që kërkon të bëjë viktimën.
Nën zë thuhet se LSI është duke denoncuar sa më shumë “incidente” gjatë fushatës, që nëse nuk del mirë në zgjedhjet e 25 qershorit, pastaj të nisë protestat, pse jo, të bllokojë edhe qeverinë, siç ka paralajmëruar vetë Ilir Meta.
