POLICIA E SHTETIT
Policia e qarkut Gjirokastër përfundon pa probleme dorëzimin e të gjitha objekteve që do të shërbejnë si qendra votimi.
Shërbimet e Policisë, gjatë kryerjes së shërbimit për ruajtjen e qendrave të votimit, nuk kanë konstatuar asnjë problem.
Dorëzimi i qendrave të votimit, nga shërbimet e Policisë, ka filluar që prej orës 06:00 të mëngjesit të datës 11 maj 2025, sipas të gjitha kërkesave ligjore, me procesverbalet përkatëse të komisionit të qendrave të votimit.
Të gjitha qendrat e votimit, janë dorëzuar në rregull, dhe punonjësit e Policisë janë grumbulluar në ambientet e përcaktuara për ta, gjatë procesit zgjedhor.
Policia e Gjirokastër është në gatishmëri të plotë për të përmbushur misionin e saj për garantimin e rendit dhe të sigurisë publike në të gjithë qarkun Gjirokastër, me qëllim krijimin e një mjedisi sa më të sigurt, në funksion të garantimit të një procesi të qetë zgjedhor.
