Drejtori i Përgjithshëm i Policisë së Shtetit, Muhamet Rrumbullaku, ka miratuar rihapjen e konkursit të gradave në Policinë e Shtetit, pas disa muajsh bllokimi.
Janë shpallur 52 vende të lira për drejtues e drejtues i parë, si dhe 500 funksione bosh për kryekomisar e komisar.
Hapja e garës për gradën “drejtues i parë” u krijon mundësinë elitave të reja të policisë të marrin poste drejtuese, të cilat prej vitesh duket se janë zënë nga një grup drejtuesish që vetëm riciklohen një herë në disa muaj, me emërimi nga një drejtori qarku në tjetrën.
Aplikimet duhet të përfundojnë deri më 17 dhjetor kur do të seleksionohen edhe kandidatët të cilët plotësojnë kriteret.
Më pas kandidatët do t’i nënshtrohen vlerësimit me shkrim dhe gojë ndërsa në vendimin final përllogaritet dhe performanca në detyrë e aspekti administrativ.
Procesi i konkursit për gradat në policinë e shtetit vjen në një moment deçiziv të Policisë së Shtetit, mes skandaleve për arrestimin e punonjësve të përfshirë me krimin dhe si një nevojë për përfshirjen e më të mirëve në kupolë, aty ku SPAK duket se ka shtrirë vëmendjen e tij këto muaj.
Numri i funksioneve të lira për konkurrim sipas gradave policore:
Drejtues i parë – 12 funksione
Drejtues – 40 funksione
Kryekomisar – 200 funksione
Komisar – 320 funksione
