Nga Vangjel Tavo
Asgjë nuk e ndal NDRYSHIMIN E MADH të 25 prillit! 25 prilli nuk është thjesht një ditë zgjedhjesh – është ZGJIDHJE për qarkun e Gjirokastrës dhe mbarë vendin. Më 25 prill ose shkojmë më thellë greminës ose nisim të rrisim mirëqenien e familjeve të thjeshta. Dhe zgjedhja e familjeve të thjeshta do jetë e ardhmja dhe jo e shkuara. Në 8 vite të Rilindjes, Qarku i Gjirokastrës më i varfër dhe mjeruar se kurrë. Janë larguar banorët, shpopullim për shkak të varfërisë. Papunësi ekstreme. E lanë Gjirokastrën një bombë biologjike gjatë pandemisë. E kthyen Gjirokastrën qëllimisht në një xhep gjeografik.
Unë jam përkushtuar personalisht për ngritjen e sa më shumë institucioneve dhe drejtorive në qarkun tonë në mënyrë që zona të zhvillohej dhe të kishte punësim. Por Rilindja Largoi: Drejtorinë Rajonale të Bujqësisë – Drejtorinë Rajonale të Arsimit – Arkivin; Inspektoriatin Shtetëror Teknik Industrial – Drejtorinë e Peshëmatjeve (DPM) – Inspektoriatin Shtetëror të Mjedisit, Pyjeve, Ujërave dhe Turizmit (ISHMPUT), – shërbimin e Extensionit (këshillimit të fermerëve) Së fundmi Spitalin në Gjirokastër duke e kthyer bashkiak – Po planifikohen dhe institucione të tjera që do t’ia heqin Gjirokastrës si Gjykata e Apelit, etj.
Ky është plan papunësie dhe izolues. Qarku i Gjirokastrës nuk mund të shndërrohet në një xhep e provincë të humbur. Unë premtoj publikisht dhe do e mbaj atë fjalë për fjalë, që do i kthej të gjitha institucionet e larguara në qarkun e Gjirokastrës dhe të rikthehen vendet e punës që i takojnë këtij qarku. Jo vetëm kaq – do hapim vende pune për profesionistët – ata me arsim profesional, – sa më shumë vende pune për të gjitha kategoritë që familjet të dalin nga varfëria. Asnjë punonjës i administratës nuk do largohet nga puna – por vetëm ata që u bëjnë presione dhe shantazhe për vota.
U bëj apel socialistëve të thjeshtë – mos lejoni t’ju fyejnë më – bashkohuni me ne. Rilindja nuk përfaqëson familjet e thjeshta por vetëm oligarkët. Dilni të gjithë e votoni më 25 prill. Mos votoni deputetët turistë që nuk ju njohin as emrin e jo më hallet tuaja. Ata vijnë vetëm çdo 4 vjet për t’ju gënjyer e marrë votën pastaj ju harrojnë. 25 prilli është ditë ku shprehet zemërimi i vuajtjes suaj. Por edhe dita për të ndërtuar të ardhme më të mirë me më shumë punësim, zhvillim dhe mirëqenie.