Presidenti Bujar Nishani dekoroi ustain e klarinetës, Laver Bariun (pas vdekjes), me Titullin “Kalorës i Urdhrit të Skënderbeut”,me motivacionin: “Për mjeshtërinë e interpretimit, si një nga personalitetet më të spikatur të sazes përmetare. Me virtuozitetin e tij të rrallë si instrumentist dhe drejtues artistik mundësoi përçimin e vlerave të rralla e të vyera të muzikës popullore shqiptare”.
Dekorimi i tij u krye në Përmet me rastin ditëlindjes së Laver Bariut. Po kështu, kreu i shtetit dekoroi bijen e Frasherit Tefta Tashko Koçon (pas vdekjes) me Dekoratën “Nderi i Kombit”. Dekoratë tjetër u dha edhe për Sazet e Përmetit me Titullin “Mjeshtër i madh”. Po kështu u dekorua edhe Profesor Vasil S. Tole, si dhe atdhetari Kamber Bënja (pas vdekjes) me “Dekorata e Artë e Shqiponjës”.
