Presidenti i Luftëtarit, Bekim Halilaj në emisionin “Gol pas goli” në “Supersport” ka folur për ndeshjen e sotme, por më shumë edhe për situatën e bluzinjve. Halilaj ndalet edhe te gjykimi, ku disa herë janë kontestuar, si në Gjirokastër ashtu edhe jashtë fushës: “Kam qenë donator dhe duke qenë nga kjo krahinë dhe dashamirës, vendosa të investoja, sepse Luftëtari nuk meriton të rrijë në rrugë”.
Borxhet
Lidhur me borxhet, Halilaj ka shtuar: “Me thënë të drejtën, ka pasur borxh të madh por i kemi shlyer detyrimet. Duhet të investojmë në lojtar dhe kemi ekip të ri me një moshë 21.7 vjeç. Problemi ynë është që na kanë dëmtuar gjykimet, me apo pa dashje, por kemi gjetur mbështetje te mediat”.
Synimet
“Mendoj se e filluam keq në 3 ndeshjet e para dhe lënia e 5 pikëve nga arbitrat ka ndikuar por nuk ua lëmë të gjitha fajet. Duhen parë rrugës. E kemi parë me seriozitet se do të tërhiqeshim nga kampionati nëse nuk do të kishte drejtësi”, – tha duke mbyllur prononcimin e tij presidenti Halilaj.
