Ashtu sikundër Argjirolajm.net e paralajmëroi disa ditë më parë, sot janë zyrtarizuar 3 emra që do të garojnë në primaret e PD, nga të cilat do të dalë kandidati zyrtar i demokratëve për zgjedhjet e 14 majit. Kështu, ka shpallur kandidaturën avokati Ilir Nikolla, biznesmeni Armando Magllara dhe bankieri Ardit Cikuli.
Në një video-mesazh ku njofton kandidimin, avokati Nikolla thotë se nëse fiton primaret dhe pastaj zgjedhjet me rivalin e PS, do të punojë për furnizim me ujë 24 orë për Sarandën. Magllara shprehet se prioritet i punës së tij do të jetë turizmi.
Ndërsa Cikuli u shpreh se do t’i japë shpresë cdo njeriu që të mos e braktisë këtë vend. Kujtojmë që Ilir Nikolla ka kandiduar edhe në zgjedhjet e vitit 2019, të cilat u bojkotuan nga opozita PD-LSI. Data e zhvillimit të primareve do të jetë 4 dhjetori. ©argjiroja.net
