Mashtrimi i FSHF me biletat online per ndeshjen qe Shqiperia do te luaje kunder Çekise me 12 tetor ka ngjallur nje revolte te madhe tek tifozet shqiptar, te cilet pavarsisht oreve te gjata ne pritje sistemi online nuk punoi kurre.
Kjo ka sjellë reagimin e disa personazheve të njohur, si aktivisti politik, Adriatik Lapaj i cili bën thirrje, Prokurorisë të nisë hetimet kryesisht për maskaradën e biletave të ndeshjes Shqipëri – Çeki.
“I bëj thirrje Prokurorisë të nisë hetimet kryesisht për maskaradën e biletave të ndeshjes Shqipëri – Çeki.
Skema ku biletat i blejnë pak duar dhe pastaj i shesin në tregun e zi me çmime 3-4 herë më të larta është e paligjshme dhe duhet goditur rëndë.
Prokuroria duhet të sekuestrojë serverat qëndrorë të shitjes së biletave dhe të administrojë të gjithë praktikën e arkëtimeve për të parë kush dhe si i ka blerë biletat”, shkruan Lapaj.
Nuk ka munguar as regimi i pedagogu Ervis Iljazaj i cili në një postim në ‘Facebook’, shkruante se mos blini asnjë biletë në tregun e zi. Le ta shohin ndeshjen vetëm ata 10 veta që kane blerë bileta dhe po i shesin katërfish.
“Mos blini asnje bilete ne tregun e zi. Le ta shohin ndeshjen vetem ata 10 veta qe kane blere bileta dhe po i shesin katerfish. Te fshijne menderen me biletat pastaj”, shkruan Iljazaj.
