Gjashtë punonjës policie, mes tyre dy efektive femra kanë mbetur të lënduar dhe kanë marrë ndihmë mjekësore gjatë përplasjes në protestën e sotme të opozitës kundër zgjedhjes së Kryeprokurorit të përkohshëm.
Policia thotë se bëhet fjalë për efektivët O.M, V.T dhe M.A të Forcave të Posaçme ‘Shqiponja’ si dhe N.K, E.X dhe D.B, efektivë policie të Komisariatit të Policisë nr 1, prej tyre dy femra.
Policia e Shtetit bën me dije se në bashkëpunim me Prokurorinë e Rrethit Gjyqësor Tiranë po vijon verifikimet për identifikimin e gjithë personave, të cilët kanë ushtruar dhunë gjatë protestës.
Deri tani në polici janë shoqëruar 5 persona. Shkak i ndalimeve kanë qenë kundërshtimi i urdhrave të forcave të rendit si dhe goditja ndaj uniformës së policisë.
