PS fiton 3 mandate në Gjirokastër, PD 1, Vangjel Tavo jashtë Kuvendit

Partia Socialiste në Gjirokastër ka arritur të mbajë 3 mandate deputetësh. Në përfundim të numërimit të votave në KZAZ-në 80, PS ka marrë 9767 vota, PD 6538 vota dhe LSI 2129 vota. Ndërkohë në rang qarku PS ka marrë 24531 vota, PD 13971 dhe LSI 5778 vota. Drejtuesi politik i socialistëve në këtë qark, Bledi Çuçi ishte i treti në listën e kandidatëve, aty ku ishte vendosur objektivi maksimal i PS-së. Pavarërisht se këtij qarku iu hoq një mandat deputeti në këto zgjedhje, PS ia doli sërish të çontë në Kuvend 3 deputetë nga Gjirokastra. Ky është mandati i dytë i Bledi Çuçit si deputet në Gjirokastër.