Edi Rama do të nisë nesër një tur të ri llogaridhënie dhe dialogu me bashkitë në të gjithë vendin, lëvizje që i paraprin fushatës elektorale për zgjedhjet lokale të vitit tjetër. Mësohet takimet e para do të zhvillohen me dy bashki të qarkut Gjirokastër. Konkretisht Rama do të jetë nesër në Përmet dhe të mërkurën në Gjirokastër. Kryeministri do të zhvillojë disa takime me grupe të ndryshme interesi.
Dy javë më parë ai pati zhvilluar një takim me të gjithë kryebashkiakët për të diskutuar mbi situatën politike dhe performancën e njësive të qeverisjes vendore. Gjasat janë që zgjedhjet lokale të ardhshme të jenë mbase më të politizuara se asnjëherë më parë. Opozita kërkon të rifutet në qeverisjen lokale pas bojkotit që i bëri zgjedhjeve 4 vite më parë. ©argjiroja.net