Në një event të mbajtur sot në qytetin e Vlorës, kryeministri Edi Rama dhe drejtuesi politik i Qarkut të Vlorës z. Bledi Çuçi prezantoi zyrtarisht ekipin e kandidatëve për deputetë të Partisë Socialiste në Qarkun e Vlorës për zgjedhjet parlamentare të 11 majit. Në fjalën e tij prezantuese, z. Bledi Çuçi theksoi se lista e re nuk është një përzgjedhje e mbyllur brenda partisë, por një pasqyrë e shoqërisë vlonjate në gjithë larminë dhe energjinë e saj.
“Kjo nuk është një listë e partisë, por e shoqërisë. Ky është një ekip që nuk përfaqëson thjesht zona, por karaktere dhe histori që flasin për shoqërinë që jemi dhe atë që duam të bëhemi.”- u shpreh z. Çuçi
Ai nënvizoi se kjo listë është ndërtuar mbi frymën e hapjes, rinovimit dhe përfshirjes, duke ftuar çdo qytetar që ndjen përgjegjësi për të ardhmen, të bëhet pjesë e projektit të përbashkët politik.
“Kjo është një listë për të hapur Partinë Socialiste, për të hapur politikën, për të hapur derën për të gjithë ata që duan të kontribuojnë për të ardhmen — dhe në fund, të gjithë së bashku për të hapur derën e Bashkimit Evropian,” – u shpreh Çuçi.
Ai theksoi gjithashtu se objektivi madhor i mandatit të ardhshëm është të përmbyllë procesin e anëtarësimit të Shqipërisë në BE, jo thjesht si akt formal, por si përmbajtje dhe realitet i ndërtuar mbi përfaqësim dinjitoz dhe institucione që funksionojnë.
Lista e kandidatëve, e prezantuar gjatë eventit përfshin figura me përvojë të ndryshme nga fusha të ndryshme: arsim, mjekësi, sipërmarrje, administratë, sport, aktivizëm qytetar dhe politikë vendore, duke reflektuar qartë vullnetin për një politikë të hapur dhe përfaqësuese për të gjithë shoqërinë.
Më poshtë lista e plotë e kandidatëve të Partisë Socialiste në Qarkun e Vlorës:
Lista e Mbyllur
Bledi Çuçi
Zamira Sina
Erjona Ismaili
Pirro Vengu
Lista e Hapur
Vasil Llajo
Vullnet Sina
Damian Gjiknuri
Ardit Bido
Gjergji Merkuri
Ina Majko
Evis Allushi
Klevis Kaso
Brunilda Mersini
Mjaftesa Sulaj
Briseda Çakëri
Endri Hysenaj
