Në Gjirokastër kemi parë shpesh investime publike të cilat janë bërë me cilësi shumë të ulët edhe pse fondet që janë shpenzuar për to kanë qenë të mëdha. Kujtoni këtu tregun e ri industrial apo rikonstruksionin tek “Kodra e Rilindasve”. Por këto nuk janë të vetmet. Duket se të njëjtin fat ka edhe investimi tek Xhamia e Pazarit. Edhe pse punimet po shkojnë drejt fundit dhe kompanitë do të bëjnë dorëzimin e objektit, në shirat e para të këtij dimri vihen re defektet.
Argjirolajm.net sjell foto dhe video nga brenda objektit të kultit, ku shihet qartë lagështia nëpër mure. Uji depërton nga çatia dhe madje deri tek dyqanet poshtë katit të parë. Të mendosh që jemi vetëm në dimrin e parë, mendoni pak çfarë do të ndodhë vite më pas. Kjo situatë ngre dyshime për seriozitetin e investimit dhe punimeve të kryera nga dy kompanitë përkatëse.
Drejtoria e Kulturës në Gjirokastër dhe institucionet më lart nuk duhet të mbyllin sytë përballë kësaj situate edhe pse financimi për restaurimin është dhënë nga Agjencia Turke për Bashkëpunim dhe Koordinim (TIKA). Xhamia e Pazarit në Gjirokastër është gjithashtu monument kulture i kategorisë së parë. Shihni pamjet .
©argjiroja.net
