Në spektaklin “Ferma VIP”, një moment i rikthyer nga disa javë më parë ka ndezur debat mes banorëve, duke sjellë përplasje mendimesh dhe emocione të forta në studio.
Gjatë prime-it të fundit, Henri solli në vëmendje një situatë ku Vanesa ishte parë duke puthur në buzë vëllain e saj, duke e cilësuar këtë veprim si një shembull që nuk duhet transmetuar në televizion. Sipas tij, ndikimi i skenave të tilla në publik, sidomos tek fëmijët, është problematik. “Nuk mund të jepet shembulli në TV. Nipi im i tha motrës që do e puth motrën në buzë se e pashë në TV. Është kriminele e heshtur e mentalitetit të shoqërisë shqiptare”, u shpreh Henri, duke shkaktuar reagime të menjëhershme në studio.
Kundër tij reagoi Indri, i cili ka krijuar një raport me Vanesën brenda shtëpisë, duke i thënë: “Ti mendon si gjyshi im, por je i ri”, duke e cilësuar qëndrimin e Henrit si të vjetruar.
Ndërkohë, Vanesa u shfaq e prekur nga diskutimi dhe nuk i mbajti dot lotët. Ajo sqaroi se marrëdhënia me vëllain është shumë e ngushtë dhe e natyrshme, duke theksuar se janë rritur bashkë që nga fëmijëria. “Vëllai është fëmija im. Kam qenë me të që kur kam lindur, i kam ndërruar pelenat. Ne kemi një raport që nuk di si ta shpjegoj. Ditën që ka hyrë këtu brenda i thashë ulu në shesh se m’u prenë këmbët”, tha ajo mes emocionesh.
Debati ka ndezur diskutime të shumta edhe jashtë formatit, duke ndarë opinionin publik mbi kufijtë e sjelljes familjare në ekranet televizive.
