Pas fitores ndaj Egnatias, Dinamo nuk ka shumë kohë për të festuar duke qenë se të mërkurën do të rikthehet në fushë për ndeshjen e radhës në kampionat.
Blutë do të përballen me Vorën në javën e parafundit të Superiores, teksa synim i vetëm në këtë takim është padyshim fitorja. Sa i përket skuadrës, Daja mund të buzëqeshë duke qenë se do të ketë dy rikthime shumë të rëndësishme.
Lorenco Vila dhe Bruno Dita janë vënë në dispozicion të skuadrës pasi kanë shlyer dënimet për shkak të kartonëve të verdhë dhe tashmë janë të pastruar për 2 takimet e fundit. Të dy lojtarët, këtë sezon kanë qenë titullar në shumicën e ndeshjeve për skuadrën kryeqytetase.
© BalkanWeb
Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë.
Grupi Balkanweb
