Në një komunikim online me të gjithë kandidatët e PS-së për zgjedhjet e 25 prillit, kryeministri Edi Rama vlerësoi drejtuesin politik të Gjirokastrës, Bledi Çuçi, i cili nuk kishte pranuar të pozicionohej i dyti në listë aty ku është objektivi bazë i socialistëve për këtë qark.
“Dua të veçoj Bledi Çuçin, kapitenin e skuadrës tonë në Gjirokastër, i cili na mbajti më shumë se 20 minuta në mbledhjen e Kryesisë duke këmbëngulur që të mos qëndronte te objektivi bazë, por te kufiri i objektivit maksimal. E solla këtu si shembull kuptimplotë të pasionit dhe përkatësisë ndaj skuadrës. Si shembullin e dikujt që është në krye të skuadrës si ajo e Gjirokastrës dhe me parametrat e zakonshëm kërkoi të rrezikoi deri në fund duke kërkuar që të vendoset i treti”, tha Rama.
Në qarkun Gjirokastër socialistët kanë zyrtarizuar 6 kandidatë: Mirela Kumbaro, Laert Duraj, Bledi Çuçi, Kosta Garo dhe Kjara Adhami.
©argjiroja.net
