Kryeministri Edi Rama ishte i ftuar në Këshillin e Atlantikut, ku foli për bojkotin e zgjedhjeve nga ana e opozitës. Sipas Ramës, zgjedhjet e 30 qershorit ishin të detyruar ti zhvillonin, pasi nuk mund të pranohej bojkoti i zgjedhjeve. Kjo tha Rama, nuk do të ndodhë më pasi është shaktërruese.
“Bojkoti u bë traditë në Ballkan, u bë e natyrshme, shpresoj mos ndodhë kështu për disa vjet në SHBA. Por asnjëherë nuk kishim patur bojkotimin e zgjedhjeve. Kjo ishte një gjë e re dhe duhej refuzuar. Nuk mund të ishte e negociueshme. Unë e shoh shumë të pagjasë në hapat e mëtejshme që parti të tjera të bëjnë të njëjtën gjë. Të gjithë kuptuan se nuk fiton gjë. Është vetëshkatërrim që nuk të sjell asgjë”, – theksoi Rama.
Kryeministri përmendi edhe një sfidë të përbashkët me SHBA, atë të Iranit, me të cilin kryeministri tha se Shqipëria ka probleme.
“Washingtoni na i ka kaluar sa i përket politikës përçarëse, nuk jemi vetëm. Në këtë moment, jo vetëm kemi shumë për të shkëmbyer, por edhe sa u takon sfidave të përbashkëta, njëra prej të cilave është Irani. Ju e dini që kemi një problem me këtë vend, me regjimin e tij, në të njëjtën kohë jemi mjaft të vetëdijshëm për faktin se ndërkohë që kemi ndërmarrë një risk për të shpëtuar njerëz jeta e të cilëve kërcënohej. Ndihemi mirë që nuk jemi vetëm për këtë”, – tha Rama.
