Çdo person që ka ngelur pa punë në privat nga Koronavirusi, do e paguajë shteti. Kështu u shpreh kryeministri Edi Rama, i ftuar në emisionin “Opinion”.
“Për të gjitha ditët e munguara të muajit mars, që ka ngelur pa punë dhe për muajin prill nëse gjendja e emergjencës do zgjatet, do marrin lekët të plota, ashtu si më parë, vetëm se tani do e paguajë shteti. Kemi gati zgjidhjen dhe sistemin e shpejtë dhe kush pronarë kompanie nuk do paguajë pagat e plota, që në këtë rast e ndihmon qeveria, do të merren masa”, – u shpreh Rama.
Sa i përket bizneseve, Rama tha se mund të aplikojnë për të marrë kredi dhe shteti do të dalë garant që kjo kredi do paguhet.
