Kryeministri Edi Rama replikoi sot sërish ndaj drejtuesit të Koalicionit Euroatlantik, Lulzim Basha, i cili në një video u shpreh nëse e mbante mend atë filmin ku thuhet: “Je pak pusht ti, Fotaq”.
“Vallahi, Lulo, këtë Fotaqin nuk e mbakam mend, se pushtat janë fusha jote, me thënë të drejtën, pavarësisht se ti bën sikur s’kupton, kur të pyesin: Ore ҫfarë bëhet me atë Gaz Ballokumen? Unë mbaj mend Koҫin, atë Koҫin e Teto Ollgës, Lul, artistin pra, atë që e zgjodhën për dhëndër po nuk ngjiti. Ai që pastaj ngeli tek pullë në qerre duke ardhur vërdallë nëpër fshat. E mban mend apo jo?”, u shpreh Rama.
Rama u shpreh se Basha e provoi vetë të bëhej dy herë kryeministër dhe nuk ia doli.
“Ti e provove vetë mor Lul. Herën e parë e provove sa e vështirë ishte. Ma këndoje hymnin aty poshtë sa t’u bënë bulҫitë telef dhe në fund dole, desha me thënë rru e qeth, po në fakt nuk të shkon se ti rru e qeth je edhe kur të ikën berberi me pushime”, tha Rama.
Lidhur me deklaratën e Bashës se Rama i ka lënë socialistët tre herë rrugëve.
“Je i pamëshirshëm. Sinqerisht, je i pamëshirshëm. Nuk rri dot tani pa ma kujtuar që i lashë socialistët tre mandate rresht në opozitë. Apo nuk të rrihet pa ju kujtu të gjithëve që më masakorve dy herë, pastaj iu ktheve bufit e bërë telef fare, nuk i le pupël në këmbë. E mor euroatlanik, mor euroatlantik. Katil i madh je, i pamëshirshëm je. Të përshëndes! Dhe dëgjo, ndrro vrimën e fyellit se ngele në një vrimë. Më thonë njerëzit: Ore foli, foli, foli se na ndjekin o burrë, na ndjekin, po ndërroje atë vrimë o burrë. Hajde artist, hajde”, u shpreh Rama.
