Kryeministri Edi Rama ishte në Gjirokastër, ku foli në një takim me gratë dhe vajzat.
Ai iu përgjigj akuzave se ka gjysmën e Qeverisë në burg.
“Ne, PS, morëm një vendim që nuk e ka marrë kush përpara. Shpatën e ndëshkimit që ishte në zyrën time, e kalonin njëri pas tjetrit. E mbanin shpatën aty.
Unë e dorëzova shpatën. Na duhet një reformë në drejtësi që të çlirojë drejtësinë nga politika. Që të godasë majtas dhe djathtas.
Jo vetëm që nuk kam asnjë kompleks kur këta çyrykë turren dhe përpiqen të manipulojnë popullin gjysmën e qeverisë në burg. Nuk është e vërtetë. Ndjehem kryelartë përpara jush.
Dhe ju thosha ma jepni timonin pa të tjerë rrotull. Ata që më dhanë timoni, nëse drejtësia do godiste vetëm kundërshtarët do thoshin na tradhtoi”, tha ai.
