Kryeministri i Shqipërisë, Edi Rama mbajti fjalën e tij në ceremoninë e hapjes së panairit “ITB Berlin”, ku prezantoi Shqipërinë turistike. Rama, theksoi se shqiptarët i trajtojnë turistët si Perëndi, ndërsa tha se nëse doni të takoni një Perëndi në rolin e shoferit të taksisë, atëherë turistët duhet të shkojnë në Greqi dhe jo Shqipëri.
“Ne kemi qenë dhe jemi një vend me të gjithë fetë, muslimanë, katolikë dhe oprtodoksë. Paraardhësit tanë qëndruan me hebrenjtë dhe refuzuan t’i dorëzonin te nazistët. Kush troket në derën e shtëpisë së shqiptarit e bën këtë prej vullnetit të Zotit dhe duke hapur dyert ne presim një mik që pritet si Perëndi, nëse doni të dini si ndjeheni si Perëndi, ejani në Shqipëri.
Nëse doni të takoni Zotin si shofer taksie, shkoni në Greqi. Pse duhet gjermanët të vizitojnë Shqipërinë? Nëse nuk më besoni mua, besojini “Der Spiegel” që është gati të tregohet i padrejtë për mua, por thotë që Shqipëria duhet vizituar për Ksamilin, Butrintin apo Valbonën”, tha Rama.
