Kryeministri Rama ka ashpërsuar tonet ndaj LSI, duke numëruar institucionet që ajo ka drejtuar e duke i quajtur shushunjat që i pijnë gjakun shqiptarëve.
Nga takimi i Elbasanit, Rama ka kërkuar votën për PS-në, si e vetmja mënyre për të mos pasur pengesa në rrugën e reformave dhe për të bërë shtet.
“Kush na i heq postierët që në vend të na sjellin letrat nga njerëzit e dashur na sjell formularët e partisë, numëroni gjithë shushunjat dhe kini parasysh një gjë; o ndahuni o i shtypni me votë në 25 Qershor. Është momenti të marrë hak për poshtërsitë e zyrtarëve të korruptuar në hipotekë e patenta, inspektorëve që jetojnë duke vënë gjoba, janë ca policë gri, i njifni, policia gri, është një bandë që del nëpër rrugë e ndalon makina, është një tmerr. Po ku hiqet ajo, se kemi ne, e ka partia, është degë partie policia gri të merr shpirtin, guxo preke, shko merri votat pastaj. Të vjen grija të merr shpirtin, është partia grija, nuk është shtet, votoni PS dhe e keni të shkarkuar sa të mbarojë numërimi, jo në shtator, sa të mbarojë numërimi”- tha Rama.
