Kryeministri Edi Rama ka kërkuar nga vendet e BE-së, ta thonë copë nëse janë për zgjerimin e Bashkimit Europian apo jo.
Ai tha se herën e shkuar e shtynë vendimin për hapjen e negociatave për Shqipërinë, për shkak të çështjes së zgjedhjeve në Parlamentin europian.
“Ta thonë copë nëse janë më për zgjerimin e Bashkimit Europian apo jo.
Se po ua them tani, që herën e fundit më thanë që po e shtypjmë hapjen e negociatave, se kemi këto zgjedhjet europiane dhe nuk duam të kemi çështjn shqiptare nëpër këmbë.
Këta kanë zgjedhje 28 herë, dhe gjithmonë do jetë kjo çështje. Çfarë është ky muhabet!
Franca, Holanda e Danimarka flasin për kushte e bëjnë skrupulozin, po pse janë këta më skrupulozë se Gjermania, Suedia apo vendet e tjera të BE-së”, tha Rama.
““Fjalia e kryeministres së Danimarkës ka qenë e drejtpërdrejtë dhe e thjeshtë. Nuk jemi të gatshëm për një raund tjetër zgjerimi.
Sot, për herë të parë e dëgjova nga presidenti i Francës në një pasazh që ne nuk po kërkojmë të bëhemi anëtarë të BE sot, po kërkojmë të hymë në një fazë tjetër të procesit, ku transferohet dija e BE lidhur me të gjithë ato kapituj që ka negocimi.
Asnjëherë nuk kam dashur ta pranoj që të flitet me këtë lidhje të shkurtër.
Sot presidenti i Francës e tha se çelja e negociatave nuk është anëtarësim. Unë kam një bisedë me të dhe aty ndoshta do të kuptohet se çfarë vjen mbrapa.
Në fjalën time kam thënë se nëse duan të mbyllin këtë proces ta thonë.
Thonë prit se kemi zgjedhjet europiane dhe nuk e duam Shqipërinë të na futet në debatin elektoral.
Tani si mund të jetë ky proces i lidhur, por s’ke çfarë i bën. Një vend atje tentonte të shtonte disa kushte pa lidhje”, vijoi kryeministri.
“Janë bërë përpjekjet maksimale që të marrim atë na takon e kemi merituar dhe ketë e thonë edhe një pjesë e madhe e kryeministrave të BE.
Dua t’ju them se kam marrë shumë mesazhe nga një pjesë e kryeministrave të pranishëm në takim, kam komunikuar edhe me Macron, dhe faktikisht nëse duam të shikojmë drejt në sy të vërtetën, është ajo që kam thënë prej kohësh, se procesi po shkonte drejt një përplasje qasjesh mes Francës dhe Gjermanisë.
Gjermania bëri një lëvizje për kompromis, duk i vendos një POR, PO-së dhe nuk ka patur nga Macron asnjë hapje.
Franca nuk pranon të vazhdohet me të njëjtin proces, kërkon një reformim të brendshëm të BE, kjo që ka ndodhur, rezultat i mos arritjes së konsensusit mes vendeve anëtare, është e tepërt kur i shtohen bishta kësaj çështje.
Në këtë situatë jo ne dhe Maqedonia por edhe ata që janë tashmë në BE sdo kishte marrë konsensus për arsye se tema është spostuar gjetkë.
Kemi marrë një refuzim por nuk kemi marrë asgjë më shumë se kaq. Rruga jonë është e njëjta.
Nëse kemi një reformë në drejtësi që vazhdon, që nuk është kërkuar fare disa prej vendeve që kanë hyrë në BE, jo para se të çeleshin negociata, por edhe kur kanë qenë në përfundim të tyre, e kemi sepse është gjëja e duhur për ne.
Do vazhdojmë më plotësimin e parakushteve të vendosura në votën PO të Bundestagut.
Do vazhdojmë me kërkesa që lidhen me funksionimin e shtetit dhe do i bëjmë të gjitha tjerat pa ndryshuara asgjë.
Është një përplasje mes të mëdhenjve dhe një “lojë” qasje dhe interesash më e madhe se sa ne edhe si vend, dhe si rajon.
Por nuk përjashtohet perspektiva e integrimit të vendit. Procesi i integrimit është proces i transformimit të brendshëm dhe jo për t’ju pëlqyer të tjerëve”, tha kryeministri mes të tjerave.
