Një ditë pas vizitës së kreut të PD, Lulzim Basha pranë banorëve të Ishmit, të prekur nga tërmeti I 26 nëntorit 2019, kryeministri Edi Rama I përgjigjet me ironi në Facebook.
Sipas kreut të qeverisë, banorët që ka takuar lideri I opozitës janë “hallexhinjtë aktorë” që e bëjnë atë akoma më qesharak.
“Eh mër Lul mër Lul, mirë ti që fle gjumë në këmbë se nuk ke pse zgjohesh kot, po ata që të çojnë tek “hallexhinjtë” pse të bëjnë kaq qesharak xhanëm me këta aktorë që të nxjerrin në pritë”, shkruan Rama.
Lulzim Basha ishte dje në Gjuricaj, njësia administrative Ishëm, kryetari i opozitës u ndal edhe në banesën e rrënuar nga tërmeti i 26 nëntorit, të familjes së Limon Filit.
Edhe pse ka kaluar 1 vit kjo familje jeton në një minimagazinë, pasi askush nuk i ka dhënë zgjidhje për shtëpinë e dëmtuar rëndë.
Ndonëse banesa është jashtë funksionit, institucionet i kanë thënë se përfiton vetëm 250 mijë lekë të reja.
“Më sillni një topograf që kjo shtëpi është e banueshme, nëse është nuk kam asnjë vërejtje. Jo të më japin mua për sevap 2 milion lekë”.
