Gjatë komunikimit të sotëm pas përfundimit të protestës, kryeministri Edi Rama komentoi gjithashtu edhe ata që e etiketojnë atë si “hajdut”.
“Unë mund të kem shumë të këqija të tjera, por vjedhja nuk është njëra prej tyre. Dhe po ua thëm hapur fare: Te çdokush që më akuzon për vjedhje unë shoh një hajdut apo një kandidat për hajdut sepse nuk mund t’i thuash tjetrit hajdut në ajër pa e njohur pa e ditur, pa asnjë provë pa asnjë fakt nëse ti vetë nuk je hajdut apo nëse ti nuk je potencialisht një hajdut nëse do keni gjë në dorë. Ndërsa gënjeshtra unë nuk iu them kurrë atyre që më kanë bërë nderin e jashtëzakonshëm të besimit për t’i udhëhequr. Sepse unë nuk di të udhëheq duke gënjyer ata me të cilët bëj betejat”, u shpreh Rama.
Ndër të tjera kryeminiatri njoftoi se nuk do të ketë heqje të taksave mbi naftën pavarësisht protestave që mund të vazhdojnë. ©argjiroja.net
