Në mbledhjen e sotme të Grupit Parlamentar të PS, Kryeministri Edi Rama u ka kërkuar ministrave dhe deputetëve të nisin javën e ardhshme një tur në të gjithë Shqipërinë, nën moton “Punët e Shqipërisë”, i cili do të zgjasë deri në qershor përpara ditëlindjes të 35-të të PS.
Turi është konceptuar si një bashkëbisedim, ministra dhe deputetë me qytetarët, për tematika konkrete në bashkëpunim me pushtetin vendor.
E treta mbledhje e këtij formati ku synohet një ndërthurje e agjendës së qeverisë me grupin parlamentar me qëllimin final evidentimin e problematikave dhe zgjidhjet për qytetarët.
Nga takimet e deputetëve me zgjedhësit është evidentuar si problematikë kryesore vijimi problemeve me kadastrat pavarësisht investimit ndër vite për dixhitalizimin e shërbimeve.
Marrë shkas nga kjo, fokusi i pjesës së parë të kësaj mbledhje u vendos tek problematikat me kadastrat dhe situata aktuale përmes një raportimi prej Lorena Goxhobellit drejtoreshë e përgjithshme e “Agjencisë Shtetërore të Kadastrës”.
Mësohet se pas raportimit të drejtoreshës Goxhobelli, deputetët socialistë, sipas qarqeve, kanë sjellë në këtë mbledhjet shqetësimet e qytetarëve për sa i përket shërbimeve që marrin nga hipotekat. Sipas agjendës së mbledhjes, po të vijohet me një raportim prej Arbian Maznikut bashkëkryetar i Komisionit të Posaçëm të reformës Administrativo-Territoriale.
E më pas do të jetë Erjona Ismaili ministria për marrëdhëniet me parlamentit e cila do të paraqesë Strategjinë e Komunikimit të qeverisë dhe Grupit Parlamentar me publikun.
