Ramosi po largohet nga Real Madridi, s’ka kthim mbrapa

Në Spanjë janë të bindur se Sergio Ramos nuk do ta vazhdojë marrëveshjen me Real Madridin dhe si pasojë do të largohet falas nga Bernabeu në fund të këtij sezoni. Marrëveshja e tanishme e Ramosit me Madridin përfundon në verë dhe gazetari i njohur spanjoll Josep Pedrerol thotë se qendërmbrojtësi spanjoll nuk do ta vazhdojë atë.
Sipas tij, Ramosi ka vendosur tashmë dhe se vendimi i tij është i pakthyeshëm.“Sergio Ramos po largohet nga Real Madridi”, tha Pedrerol në emisionin sportiv El Chiringuito. “Nuk mendoj që ka mundësi që ai të qëndrojë. Nuk ka kthim mbrapa. Këtu i marrë parasysh rrethanat, Madridi nuk do t’i ofrojë më shumë para atij”, shtoi ai. Pedrerol e kritikoi Ramosin, megjithatë, duke thënë se kapiteni është dashur të pranonte pagë më të ulët për shkak të pandemisë së koronavirusit. “Sa keq. Mendoj se Ramosi po gabon këtu.”