Prestigjozja amerikane Huffington Post ka publikuar një raport tronditës në lidhje me gjëndjen në Siri. Vendi është shkatërruar nga lufta. Tani, njerëzit kanë filluar të hanë mbeturina për të mbijetuar. Shumë fëmijë flenë të uritur. Kjo është publikuar në një raport të Programit Ushqimor Botëror të Kombëve të Bashkuara, raporton Huffington Post. 400 mijë sirianë janë në gjendje të vështirë momentalisht.
Ndërsa miliona familje amerikane ulen për të shijuar festën e Falenderimeve këtë javë, burat, gratë dhe fëmijët e Ghouta janë në mëshirën e regjimit të Presidentit Bashar al-Assad, shkruan Huffington Post. Sirianët ushqehen me ushqim kafshësh dhe me ushqime të skaduara.
Qindra civilë – më shumë se gjysma e tyre fëmijë – kanë vdekur nga mungesa e ushqimit dhe ilaçeve që nga fillimi i rrethimit në 2013.
