As Blendi Klosi mbrëmë as Adrian Gurma sot nuk dhanë një shpjegim për mosrikandidimin e kryetarit aktual për një mandat të dytë në zgjedhjet e 14 majit. Nga halli Gurma tha disa fjalë falënderuese, por që nuk e fshehin dot zhgënjimin për mënjanimin e tij. Ai nuk i tregoi arsyet e vërteta të këtij vendimi ndonëse ka shpresuar deri në fund për një kthesë të madhe në mbledhjen e Kryesisë së PS-së.
Përplasja me Blendi Klosin apo me njerëz të pushtetshëm me interesa të forta ekonomike në Sarandë dhe mosbindja e Ramës mbi performancën e Gurmës gjatë këtyre 4 viteve duket se sollën ndërprerjen e rrugëtimit të tij politik. Në fund të reagimit foli edhe për ata që i vunë shkopinj nën rrota, por prapë pa emra duke dëshmuar një mungesë të madhe të kurajos e respektit për qytetarët që minimalisht meritonin një shpjegim më tepër.
“Siguroj kritizerët,oponentët dhe kundërshtarët,që megjithëse janë munduar gjithë këto kohë të venë “shkopinj nën rrota”,sot më gjejnë më të fortë dhe me më shumë energji!”, ka thënë Gurma. Më poshtë reagimi i tij i plotë.
