U luajtën ditën e sotme 3 duelet e vlefshme për javën e 14-të të Superiores, të cilat prodhuan 9 gola. Spikati fitorja 6 me 2 e Dinamos në duelin ndaj Tiranës, me këta të fundit që fundosen në prag të derbit ndaj Partizanit, ndërkohë që të kuqtë e Kërnajës, arritën një fitore tepër të çmuar në shtëpi ndaj Bylisit, duke iu larguar me 4 pikë zonës së ftohtë.
Në duelin tjetër, kryesuesit provizor të Elbasanit, nuk shkuan më shumë se barazimi 0 me 0 ndaj Teutës së vendit të pestë.
Interesant është fakti se diferenca mes Elbasanit të vendit të Parë dhe Dinamos së vendit të katërt është vetëm 3 pikë.
Kjo javë e 14-të do të mbyllet nesër me dy përballjet Egnatia-Flamurtari dhe Vora-Vllaznia.
© BalkanWeb
Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë.
Grupi Balkanweb
