Autoritetet italiane të shëndetësisë kanë bërë të ditur se në 24 orët e fundit kanë kryer 124.686 testime për koronavirus, nga të cilët 17012 persona kanë rezultuar pozitivë.
Edhe pse numri i të infektuarve mbetet tejet i lartë, krahasuar me një ditë më parë janë rreth 5 mijë më pak të infektuar.
Ndërkohë, në 24 orët e fundit kanë ndërruar jetë 141 persona të prekur me koronavirus, duke shënuar rritje krahasuar me të dielën kur u raportuan 128 të vdekur. Këtë të hënë, në Itali hynë në fuqi edhe masat e reja.
