Gërmimet për gjetjen e eshtrave të ushtarëve grekë të rënë gjatë Luftës së Dytë Botërore në Shqipëri (luftës italo-greke) kanë tërhequr edhe vëmendjen e mediave ndërkombëtare. Në artikull thuhet ndër të tjera thuhet se nisja e procesit për gjetjen e të rënëve grekë ka nxitur debate politike në Shqipëri, për shkak të drojës se diçka e tillë mund të përdoret si argument nga nacionalistët grekë për pretendime territoriale. Agjencia ndërkombëtare Reuters, në një artikull rreth marrëveshjes së arritur mes Shqipërisë dhe Greqisë, nënvizon se janë afro 8 mijë trupa që nuk janë gjetur pavarësisht përpjekjeve.
Gazetarët janë ndalur në shtëpinë e familjes Brigo në Himarë, ku e moshuara Ermion, vijon të kujdeset për varrezat e gjashtë ushtarëve grekë të rënë në luftë, pas amanetit të lënë nga i ati.
“Po të lë amanet portofolin e ushtarit Andre Provata. Mi ruaj. Do ta mbash amanet tha, të mos e humbasësh dhe të kesh kujdes që të ndezësh qirinj”. Gazetarët e Reuters shkruajnë se afro 8 mijë ushtarë të tjerë grekë nuk kanë fatin e gjashtë trupave që prehen në oborrin e shtëpisë së familjes Brigo. Sipas tyre, diçka e tillë është kthyer në një problem edhe për familjarët të cilët nuk dinë ende asgjë për fatin e të afërmve të tyre.
