Greqia akuzoi këtë të hënë Turqinë për ndezjen e tensioneve në Mesdheun lindor pas njoftimit të Ankarasë se do të dërgonte një anije studimore me mission kërkimin në ujërat e diskutueshëm.
“Ne i bëjmë thirrje Turqisë të rishohë vendimin e saj”, u shpreh Ministria e Jashtme e Greqisë, duke shtuar akti I sotëm është një “përshkallëzim i madh dhe një kërcënim i drejtpërdrejtë ndaj paqes dhe sigurisë në rajon”.
Marina e Turqisë tha ditën e djeshme se anija e saj “Oruç Reis” do të qëndrojë në rajon deri në 22 Tetor, sipas një mesazhi dërguar sistemit të alarmit detar NAVTEX.
Anija do të udhëtojë pranë ishullit grek të Kastellorizo , ndërsa me të do të bashkohen edhe dy anije të tjera, Ataman dhe Cengiz Han.
Tensionet midis Turqisë dhe Greqisë u rritën në gusht pasi anija e kërkimit të gazit hyri në ujërat e diskutueshme në Mesdheun lindor, të shoqëruar nga anije luftarake. Turqia pretendoi se anija ishte në një mision për të studiuar “aktivitetin sizmik” edhe pse Greqia pretendonte për ujërat, të cilat mund të mbanin gaz natyror.
“Oruc Reis” u kthye në brigjet turke muajin e kaluar në atë që u pa si një fund i mundshëm i krizës politike, ndërsa presidenti turk Recep Tayyip Erdogan tha në atë kohë se do t’i jepte një shans diplomacies.
Shpresa për zbutjen e tensioneve u ripërtëri përsëri kur të dy vendet ranë dakord për një marrëveshje të ndërmjetësuar nga NATO për të rifilluar një dialog mbi mosmarrëveshjen.
Javën e kaluar, ministrat e jashtëm turq dhe grekë u takuan në anën e një forumi sigurie në kryeqytetin sllovak Bratislava. Këto ishin bisedimet e nivelit më të lartë që kur filluan tensionet.
Vendimi i Turqisë për të vendosur anijen e saj kërkimore kaq shpejt pasi këto zhvillime treguan se Turqia është “e pasigurt” dhe “me të vërtetë nuk dëshiron një dialog”, tha Ministria e Jashtme Greke.
Në një samit në fillim të tetorit, BE kërcënoi të vendosë sanksione ndaj Turqisë nëse nuk arrin të ndalojë atë që blloku e konsideroi shpimet e paligjshme dhe kërkimin e energjisë në ujërat e pretenduara nga Qiproja dhe Greqia. Turqia e quajti kërcënimin “jokonstruktiv”.
Ministri i Jashtëm i Gjermanisë Heiko Maas ka në plan të vizitojë Turqinë të mërkurën, raporton televizioni shtetëror turk TRT. Mesdheu lindor dhe krita turko-greko priten të jenë në qendër të takimeve të kryediplomatit gjerman.
