Sulmuesi Cristiano Ronaldo thotë se rivaliteti me Leo Messin ka marrë fund, derisa tani ka objektiv të realizojë mbi 900 gola.
Portugezi tani është golashënuesi numër një në histori të futbollit me 850 gola, kurse tani synon të shënojë më shumë.
Në konferencë për shtyp, Ronaldo u pyet rreth Messit por bëri me dije se tani më nuk ka rivalitet.
“Nëse të pëlqen Ronaldo, s’ke pse e urren Messin. Të dy e kemi ndryshuar historinë e futbollit dhe jemi të respektuar. Rivaliteti ka përfunduar. Të dy jemi duke bërë mjaftë mirë (në Arabi dhe MLS)”.
“Rivaliteti? Nuk e shoh në atë mënyrë, kemi ndarë të njëjtën fazë për 15 vite, nuk po them se jemi miq por jemi të respektuar. Rivaliteti ishte i mirë, tifozët e pëlqyen”.
“Të vazhdojmë ngadaltë, të shënoj 900 gola në karrierë është objektiv dhe ambicie. Derisa të luaj futboll po e shijoj momentin, jetën dhe dinamikën e futbollit pasi e nesërmja është e pasigurt. Momenti është i mirë në kombëtare dhe në klub prandaj dua të vazhdojë”.
Kujtojmë, ditë më parë Ronaldo ka lënë të hapur mundësinë që të luajë edhe në moshën 40-vjeçare.
