Në “shtëllungën” e kërkimeve për komente nga turistë të huaj të cilët kanë vizituar Shqipërinë (në të katërt cepet e saj dhe e kanë shijuar më së miri) mund të gjeni në gjigantin “Trip Advisor” edhe rrëfime të ndjera që për një gjë ose për një tjetër mund të cilësohen si arritje të “bukurisë natyrore” të Shqipërisë.
ArgjiroLajm.net ju sjell një rrëfim ekskluziv të një vajze e cila vizitoi Sarandën kur ishte dhjetë (10) vjeçe dhe u fiksua pas bregdetit tonë deri sot që është bërë thuajse një vajzë e rritur në universitet. Ana, vetëm 20 vjeç erdhi në Sarandë me familjen e saj nga Britania e Madhe për herë të parë për të bërë pushimet që nuk do t’i harronte kurrë.
Ajo rrëfen në “Trip Advisor” kështu:
“Historia ime me Sarandën është shumë e hershme, kur isha vetëm 10 vjeçe unë dhe familja ime që ishim shumë mirë ekonomikisht pamë një reklamë shumë të shkurtër në BBC për një vend që quhej Shqipëri, dhe se sa kishte dalë nga gërmadha gjigande e komunizmit. Vendosëm të vizitonim pikërisht Sarandën sepse ishte e vetmja që kishte pak informacion në internet, dhe doli shkëlqyeshëm. Për mua është një vend i paharruar, aty prindërit e mi kurorëzuan martesën e tyre në mënyrë shumë të shpejtë, dhe gjyshërit ishin dakord që martesa të bëhej pikërisht në një prej gjireve fantastikë të qytetit. Jam kënaqur pamasë të shihja një martesë që nuk kishte qenë e destinuar të bëhej më parë pasi ime më kishte kaluar një periudhë të errët shëndetësore, duke u diagnostikuar me leuçemi akute por Zoti dëshiroi që ajo të jetonte akoma edhe sot. Prandaj nëse do ikni në Shqipëri, Saranda duhet të jetë në top destinacionet tuaja”.