Mark Markez po kalon një periudhë shumë të vështirë në sezonin e MotoGP-së. Pas një fundjave të komplikuar në Çmimin e Madh të Francës në Lë Mansh, piloti spanjoll u detyrua të tërhiqet për shkak të problemeve fizike dhe nuk do të marrë pjesë as në garën e Katalonjës. Edhe pse tregoi shpejtësinë e tij me rekordin e pistës në kualifikuese dhe nisjen nga rreshti i parë, një aksident i frikshëm në garën Sprint i solli dëmtimin e radhës kampionët në fuqi të botës.
Piloti spanjoll tregoi potencialin e tij në Lë Mans me rekordin e pistës dhe nisjen nga rreshti i parë, por një aksident në garën Sprint ia mbylli para kohë fundjavën, ndërsa do ta mbajë jashtë edhe nga Çmimi i Madh i Barcelonës. Ish-piloti i MotoGP-së, Sete Gibernau, dha një analizë të fortë për situatën e Markez. “Nëse e sheh gjatë gjithë sezonit, ai nuk e përdorte krahun e djathtë. Kjo u pa qartë edhe në sprintin e Lë Manshit. Nuk mund të mbështetej te krahu dhe në momentin e rrëzimit nuk reagoi”, deklaroi Gibernau.
Sipas tij, Markez ka garuar për muaj të tërë në kushte shumë delikate, duke u përpjekur të kompensojë problemet fizike me talentin dhe eksperiencën e tij. “Ai gjithmonë ka qenë në gjendje t’i mbulojë këto probleme, por këtë herë situata ishte ndryshe dhe operacioni ishte i domosdoshëm”, shtoi ishnënkampioni i botës. Markez tashmë do të fokusohet te rikuperimi dhe synon të rikthehet në Muxhelo. Megjithatë, diferenca në kampionat është rritur ndjeshëm dhe askush nuk mund të parashikojë se kur ai do të jetë sërish në formën e tij më të mirë. Për momentin, prioriteti kryesor mbetet rikthimi fizik dhe shëndeti i pilotit spanjoll.
© BalkanWeb
Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë.
Grupi Balkanweb
