vNjë zjarr ka rënë masditen e sotme në lagjen nr 1 në hyrje të qytetit të Sarandës. Bëhet me dije se zjarri ka rënë mes disa pallatesh në ndërtim. Siç raportohet menjëherë në vendngjarje kanë shkuar shërbimi zjarrfikës. Gjithashtu zjarri kishte rënë në disa shkurre afër 2 objekteve një katëshe në ndërtim. Nga zjarri rrezikoheshin banesat përreth.
U ndërhy me 3 makina dhe 6 zjarrfikës, duke mos lejuar përhapjen e zjarrit. Nga flakët u dogj një barakë e ndodhur aty dhe një pemë pishe. Dyshohet se kemi të bëjmë me zjarr të qëllimshëm, por flakët mund t‘i ketë shkaktuar edhe nxehtësia e madhe.
