Ministria e Brendshme dhe Ministria e Infrastrukturës dhe Energjisë kanë publikuar një udhëzim sa i përket kufizimit të qarkullimit të mjeteve të rënda gjatë sezonit turistik. Sipas udhëzimit, të firmosur nga Ministrat Fatmir Xhafaj dhe Damian Gjiknuri do të kufizohet qarkullimi i mjeteve të rënda gjatë sezonit turistik, veçanërisht gjatë fundjavave. Udhëzimi parashikon oraret e kufizimeve, ditët dhe llojet e mjeteve dhe do të nisë të zbatohet nga data 15 Qershor deri në 15 Shtator. Ministria e Brendshme dhe ajo e Infrastrukturës bën apel të gjithë drejtuesve të respektojnë udhëzimin e ri, pasi në të kundërt do të ketë sanksione.
mjetet e transportit të mallrave me peshë të përgjithshme të autorizuar mbi 7.5 ton;
me ngarkesë të pandashme, me gjatësi maksimale më të madhe se 12 m;
rrugore apo bujqësore që kanë shpejtësi më të vogël se 40 km/orë;
bujqësore dhe teknologjike që kalojnë përmasat kufitare;
për kursantët e autoshkollave mësimore.
Kufizimet e shtrijnë efektin për ditët: E Premte nga ora 15:00 deri në orën 22:00. E Shtune nga ora 08:00 deri në orën 12:00 dhe nga ora 16:00 deri në orën 22:00. Për ditët e diela nga ora 07:00 deri në orën 22:00. Sa i përket qarkut Gjirokastër, rruga ku do të ketë kufizim të këtyre mjeteve është aksi Tepelenë-Gjirokastër-Kakavijë.
