Një ditë më parë Kuvendi miratoi ligjin e posaçëm që i hap rrugë shembjes së godinës së Teatrit Kombëtar dhe ndërtimin aty të një teatri të ri përmes partneritetit publik privat. Por projekti është kundërshtuar ashpër nga opozita dhe një pjesë e artistëve. Seanca e djeshme u shoqërua me debate të ashpra, ndërsa jashtë Kuvendit zhvillohej një protestë. Mazhoranca e kaloi me 75 vota ligjin. Votë pro dhanë edhe tre deputetët e PS në qarkun Gjirokastër; Bledi Çuçi, Mirela kumbaro dhe Flamur Golemi. Ndërsa nuk morën pjesë në votim dy deputetët e tjerë të opozitës, Tritan Shehu i PD-së e Vangjel Tavo i LSI-së. Kundër Ramës ishte edhe ministri i Diasporës, Pandeli Majko, i cili në një moment pati edhe një debat me kryeministrin, për t’u larguar më pas jashtë sallës së Kuvendit.
© ArgjiroLajm.net