Ju mund të keni pasur Covid-19 pa e ditur atë, megjithëse është e pamundur ta dini me siguri nëse nuk i nënshtroheni një testi antitrupash. Madje edhe një test pozitiv i antitrupave ka një shans të vogël se mund të gabojë.
Nuk ka shenja të sigurta 100% që keni pasur Covid-19, por ka disa simptoma të përgjithshme dhe pothuajse të sigurta, të cilat mund t’ju ndihmojnë. Shenjat që mund të keni kaluar Covid:
1. Keni pasur simptoma tipike të Covid-19
Të gjithë e përjetojnë ndryshe Covid-19, dhe simptomat mund të imitojnë ato të infeksioneve të tjera të frymëmarrjes. Nëse keni zhvilluar ndonjë nga simptomat më tipike të Covid-19, veçanërisht pasi keni qenë në kontakt të ngushtë me dikë që ka pasur Covid-19, mund të jetë një shenjë se edhe ju jeni infektuar. Këtu përmendim:
– dhimbje trupi
– hundë të bllokuara
– kollë
– diarre
– lodhje
– temperaturë
– dhimbje koke
– humbje e nuhatjes ose shijes
– vështirësi në frymëmarrje
– dhimbje fyti
– të vjella
2. Kishit sy rozë ose simptoma të tjera të syve
– sy të thatë
– sy rozë
– ënjtje
– sekrecione të syve
– lotim
3. Keni humbur përkohësisht ndjenjën e shijes ose nuhatjes
Humbja e shijes ose nuhatjes zakonisht raportohet tek njerëzit me Covid-19. Disa njerëz me Covid-19 gjithashtu përjetojnë ndryshime te këto shqisa. Simptomat që ndikojnë në shijen ose erën duket se shfaqen shpesh para simptomave të tjera.
4. Fillimisht keni pasur temperaturë
Gripi zakonisht nis me kollë, ndërsa për Covid, simptoma e parë përgjithësisht është temperatura.
5. Po përjetoni simptoma muaj më pas
Disa njerëz që kanë kaluar Covid-19 kanë simptoma që vazhdojnë për javë ose muaj pas infektimit . Këto simptoma janë referuar si simptoma të largëta.
